Оқырман отбасы! сайыс

      «Кітап сегіз қырлы, терең сырлы тәбиеші, ұлы үйретуші» деп  жазушы Ө.Тұрманжанов айтқандай кітаптың құндылығы, достығы, сырластығы – алар орнының ерекшелігі сонда.

16 сәуір күні сағат 10⁰⁰-де Бумакөл ауылдық кітапханасында Бөрлі ОКЖ-нің ұйымдастыруымен «Әкем, шешем және мен – отбасымыз оқырман» атты сайыс оздырылды. Кешімізге Бөрлі ОКЖ директоры орынбасары А.Т.Мусаева, кітапхана ісін дамыту бөлімінің меңгерушісі В.С.Қужабергенова, ақпараттық-библиографиялық бөлімінің меңгерушісі Б.Б.Исмагулова, «Оқырман отбасы» бағдарламасының жетекшісі С.Қ.Мендыбаева,  кітап қорын толықтыру және өңдеу бөлімінің меңгерушісі С.Тасимовалар қатысты. 

 «Сұрасам менің тегім...»  1 кезеңде өздерінің сүйікті кітабын неліктен таңдағаны слайд бойынша көрсетіп, баяндаса, ал екінші кезеңде «Менің оқырман  отбасым» атты кітапша жасап әкеліп презентация жасады. «Ерте, ерте, ертеде...» кезеңінде ертегілерден көрініс көрсетті. «Кім тапқыр?» атты кезеңде ақын – жазушылардың суреттеріне қарап, есімі мен шығармаларын айтып, «Өлең – сөздің патшасы» кезеңінде ақын – жазушылардың өлеңдерін жатқа  мәнерлеп нақыша келтіріп оқыды. Әділқазылар бекіткен нәтиже барысында Бумакөлдік Қужахметовтар отбасы бірінші орын, Утвин ауылынан Истаевтар отбасы екінші орын, Облав ауылынан Куценко отбасы үшінші орындарға ие болды. Бумакөлдік Нығметовтар мен Утвиндік Биктасовтар «Өнерлі отбасы»  номинациясына ие болды. Жеңімпаздарға сыйлықтар мен дипломдар табысталды.