13 қараша «Халықаралық зағиптар күніне» орай шығармашылық қабілеттерін арттыруға мүмкіндік беру, көзі көрмесе де асыл сөздің мәнін білетін жандарға осындай шараларды ұйымдастыру арқылы қуаныш сыйлау. Көру қабілеті төмен зағип жандарға арналған заманауи жаңалықтармен және жасалған жағдайлармен таныстыру. Атақты зағип жандар туралы толық мәлімет беру.

    Алдымен сектор меңгерушісі Г.О.Малбағарова шараға келген оқырмандарды атаулы күнімен құттықтап, қонақтармен таныстырып өтті.

    Оралдан келген қонағымыз облыстық зағип және нашар көретін азаматтарға арналған арнаулы кітапхана әдіскері Абдулова Ләззат Максимқызы сөз алып, Валентин Гаюи- зағиптарды оқыту мен тәрбиелеу тәсілін құрушы және бүгінгі атаулы күн осы кісінің туған күні екеніне тоқталып, Луи Брайль- ғалым, тифлолог, бедерлі - нүктелі жүйенің негізін салушы, Морис де ла Сизеран - бұларды бір сөзбен айтқанда «Саусақ ұшындағы әлем» атты алфавитті ойлап, тауып, құрап, жарыққа  алып шығарған қоғам қайраткерлері екеніне тоқталды.

      Шара барысында елге танымал атақты әнші, композитор, шебер түрде өнер ерекшелігін меңгерген зағип жандарға, олардың өмірбаяндары мен шығармаларына жеке - жеке тоқталып, таныстырылды. Бейнетаспадан олардың өнерлері тамашаланды:

Қатимолла Бердіғалиев ән:  «Шегенің әні»

Диана Гурдцкая.  ән:  «Ты здесь»

Стив Уандер. ән:  «Я звоню, чтобы сказать люблю»

     Бөрлі ауданының мүмкіндігі шектеулі жандармен қоғам бірлестігінің төрайымы Мукашев Мәлік Төлеуұлына сөз берілді.

      Кітапханашы А.Наурызбекова  «Кітап әлемі - ғажап әлем»  атты    кітап көрмесін насихаттап, ерекше кітаптарды  толықтай таныстырып, қазіргі таңдағы көзден қиындықтар туындаған жандарға, заманауи тұрғыда жасалып  жатқан арнайы (дыбыстандырылған сағат, тифлоаппаратура,  ақ таяқ, дыбыстандырылған кітаптар, домино, шахмат, дыбыстандырылған ұялы телефон т.б.) жағдайлар көңіл қуантарлық  екенін айтып, атап шықты. ОКЖ директорының орынбасары А.Т.Мусаеваға шараны қорытындылады. Шара соңында келген оқырмандар өз пікірлерін, алғысын айтып, өнерлерін ортаға салып, естелікке суретке түсірілді.