Аудан географиясы

         Бөрлі ауданы, Батыс Қазақстан облысының солтүстік шығыс бөлігінде орналасқан. Шығысында Батыс Қазақстан облысының Шыңғырлау, оңтүстігінде Сырым, батысында Теректі аудандарымен, солтүстігінде Ресей Федерациясы, Орынбор облысының Илек және Ташла аудандарымен шектеседі. Ауданның аумағы 5553 шаршы шақырым жерді алып жатыр, мұнда 33 елді мекен орналасқан, оның ішіндегі ірілері Ақсай қаласы, Бөрлі, Қызылтал, Пугачев, Березов, Приурал, Ақбұлақ, Жарсуат ауылдары. Ауданда 55 мың аса халық тұрады. Негізгі қазақтар, орыстар, украиндар, мордвалар, белорус, неміс, барлығы 30-дан астам ұлт өкілдері.

       Бөрлі ауданы көлік қатынасы жағынан қолайлы. Аудан орталығы Ақсай қаласынан Орал қаласына дейін 150 шақырым, Астанаға дейін 1830 шақырым, Алматыға дейін 2600 шақырым, Орынборға дейін 180 шақырым, Самараға дейін 430 шақырым, Мәскеуге дейін 1407 шақырым. Қаланы ортасынан қақ жарып өтетін, Ақтөбе мен Орынборға шығатын Орал-Ақсай- Сол-Илецк теміржолы, республикалық маңызы бар Орал-Ақсай-Шыңғырлау, Ақтөбеге шығатын Ақсай – Жымпиты, Ақсай-Трудовик-Федеровка, Орынборға шығатын Ақсай-Илек автомобиль жолдары экономикалық белдік болып табылады. Аудан орталығы елді мекендермен тас және топырақты жолдармен байланысады.