«Кітаппен дос бол, кітаптың жомарт беттері көзіңді ашар, адал дос одан жоқ- тегі»-деп дағыстанның халық ақыны Расул Ғамзатов, айтқандай Успен ауылдық кітапханасында отбасылық кітап оқуға ынталандыру барысында «Әкем, шешем және мен-отбасымыз оқырман» - атты сайыс сәуір айының үшінші жұлдызында өтті. Успен негізгі мектебінің директоры Г.С.Зайнуллиннің сайыскерлерге деген тілек, лебізінен кейін, Антоновтар мен Тулеповтар отбасы сайыс шарты бойынша «Сұрасаң менің тегім...» тақырыбында өздерінің отбасын және сүйікті кітаптарын слайд бойынша көрсетіп таныстырса, «Менің оқырман отбасым» бөлімінде «Кітап-отбасының құндылығы» атты тақырыпта кітапша жасап әкеліп презентация жасады.

«Ерте, ерте, ертеде...»-бөлімінде «Қызыл телпек», «Алдар көсе» туралы көрініс ұсынса, «Кім тапқыр»-бөлімінде ақын немесе жазушыларды суреттерінен танып және шығармаларын айтты.

«Өлең-сөздің  патшасы» бөлімінде ақын жазушылардың өлеңдерін жатқа мәнерлеп оқудан өздерін көрсете білді.