«Ана – отбасының жылуы» атты мерекелік кеш
5 – наурыз күні аудандық орталық кітапхананың оқу залында Мүмкіндігі шектеулі жандармен жұмыстану секторының кітапханашыларының ұйымдастыруымен Мүмкіндігі шектеулі жандарға арнап «Ана – отбасының жылуы» атты мерекелік кеш болып өтті.
Кештің негізгі мақсаты: 8 наурыз – Халықаралық әйелдер мерекесін атап өту, анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету, көкірегі ояу, көңілдері қаяу жандарға мерекелік көңіл – күй сыйлау.
Мерекелік кешті «Жалын» би тобының биші қыздары ашып, ары қарай кешті кітапханашы Курмангабулова Г.Н. жүргізді. Кеш барысында кітапханашылар қонақтарды мереке күнімен құттықтап, кітапхананың оқырманы Шәкенова Әсел «Мама» әнін орындаса, Демченко Лена, Аубакирова Лаура, Мақсот Аян, Гумар Аяжан, Абишев Алибек аналарына арнап, журекжарды жыр шумақтарын жатқа айтып берді. Осы кешке Аудандық демалу орталығының орынбасары Сұлтанғалиев Ұзақбай Асқарұлы «Ана туралы жыр», Мәдениет үйінің әншісі Днғалиева Самал «Бағым болса» және №5 ЖББОМ оқушылары Саламатов Нұржан мен Аруманов Мадияр, жетекшісі Мамбеталиева Гүлнұр «Анашым» әндерін тарту етіп, оқырмандардың көңілдерін бір серпілтіп тастады. Аналарға арнап «Тапқыр ана», «Кім шапшаң» ойындары ұйымдастырылды. Осындай кештерге демеушілік жасаған азаматшаларымыз «Жас дарын» қорының директоры Ищенко Татьяна Германовна және ИП Иргалиева Айгуль Максутовналар сөз алып, оқырмандарымызды мерекелерімен құттықтап, өздерінің әкелген сый – сыяпаттарын ұсынды. Мүмкіндігі шектеулі жандармен жұмыс секторының жанынан құрылған «Надежда» клубының мүшелері Аубакирова Анаргүл мен Альмағамбетова Гүлназ сөз алып, бүгінгі ұйымдастырылған шараға үлкен ризашылықтарын білдірді. Кеш соңында балалар өз қолдарымен жасап әкелген бұйымдарын аналарына табыс етті.
|
Сайт мәзірі
