29 сәуірде №2 қалалық кітапхананың жанынан «Салауатты өмір» атты қызығушылық клубының ұйымдастыруымен №3 ЖББОМ 8 «а» сынып оқушыларымен «Салауатылық – саулық негізі» атты  денсаулық сағаты болып өтті. Шараны кітапханашы А.Е.Есенжанова алғысөзімен ашып, оқушыларға адам денсаулығының қымбаттылығын, өмір сүру үшін қажеттілігін, басты байлық екенін  түсіндіріп өтті.

Еліміздің Президенті Нұрсұлтан Назарбаев өзінің халыққа арнаған «Қазақстан – 2050» жолдауында Қазақстанда тұратын әрбір азаматтың денсаулығы мықты болуы керектігін айта отырып, бізді Отан игілігі үшін өз денсаулығымызды  сақтауға шақырады...

 «Салауатты өмірді қолдаймыз» атты бөлімінде оқушылар денсаулық туралы өлеңдерін оқыса, «Пікірлесейік» бөлімінде оқушыларға мысал келтіріп, оларға «Сенің іс-әрекетің?» атты сұраққа өз ойларын білдірсін деген ниетпен сұрақ-жауап алынды. «Дәрігерлік кеңес» бөлімінде дәрігерге денсаулықты қалай күту керек, дұрыс тамақтану, дене шынықтыру жаттығулары, күн тәртібі сияқты көптеген сұрақттар қойылып, пайдалы кеңестер алынды. Шара жоғарғы деңгейде өтіп  оқушылар қызыға тыңдады.