Ең үздік иллюстратор

             29 мамырда Орталық балалар кітапханасында «Мұхтар Әуезовті оқимыз» атты халықаралық акция шеңберінде шығармашылық жұмыстар арқылы жазушы мұрасына балалардың қызығушылығын тудыру, оның өмірі мен әдеби қызметі туралы білімдерін кеңейту мақсатында «Ең үздік иллюстратор» тақырыбында өткізілген аудандық байқау қорытындыланды.

         Байқауға ауданымыздағы қала және ауыл мектептерінен елуден астам 1-9 сынып оқушылары қатысты. Оларға М. Әуезовтің шығармаларын оқып, иллюстарция үшін жарқын көрініс таңдау және шығармадан үзінді келтіре отырып, автоиллюстрация жасау міндеттері қойылған болатын. Байқаудың қорытындысы 1-маусым балаларды қорғау күні қарсаңында жарияланды.

Өнерлі өрендердің туындысын Өнер мектебінің оқу ісінің меңгерушісі Д.С. Мұстафина, өнер бөлімінің меңгерушісі В.Қ. Қазиева , сурет сабағының мұғалімі З.И.Насырова бастаған әділқазылар алқасы бағалады.

       Байқауға қатысушылар өздерінің еңбектерінде иллюстраторлық материалдарды жетік, терең білетіндіктерін ашып көрсетті. Олардың ішінен әділқазылар ең үздік деп таныған туындыларды жас ерекшеліктеріне қарай

 1-4 сынып оқушылары арасында Жантлиева Аида (Пугачев ауылы), Ерболат Рауан (№4 мектеп, Ақсай қаласы), Мұхамбетьяров Қайрат (Өнер мектебі),

5-9 сынып оқушылары арасында Сагындыкова Ару (Пугачев ауылы), Байгубенова Айым (Бумакөл ауылы), Бахытжанов Жасұлан (Қызылтал ауылы) I, II, III дәрежелі ең үздік үштік атанып дипломдармен және сыйлықтармен марапатталды.

       Байқауда оқырман назарына көптеген таланатты әрі қызықты туындылар ұсынған Гусманова Найля, Сағындықова Сания, Амантаева Камила, Давлетгалиева Малика, Демисинов Елнұр, Сатымова Аида, Тарабанов Максим, Фролов Данилде дипломдар мен сыйлықтарға ие болды.

     «Мұхтар Әуезовті оқимыз» кітап көрмесіне ОБК-ң кітапханашысы Мубаракова Жанна Кеңесқызы жазушы шығармаларына кеңінен тоқталып, таныстырды.  Дәмелі Құсайынқызының «Мұхтар ата-мәңгілік бағдарлама» өлеңін Березов ауылының 2 сынып оқушысы Балмурзиев Амантай нақышына келтіріп оқып берді.

      Шара соңында ОКЖ директорының орынбасары А.Т. Мусаева  қорытынды сөз сөйлеп, қатысушыларды ұжым атынан құттықтап, болашақта шығармашылық табыстар тіледі.