Елбасымыздың «Жалпыға  ортақ  еңбек  қоғамына қарай  20  қадам»  атты  үндеуінде  адам  баласының  өмір  сүруіндегі  еңбектің  алатын орны  ерекше  және  маңызды  екендігіне  тағы  бір  рет  көз  жеткізгендейміз. Ата- бабаларымыз «Еңбек  етсең  ерінбей,  тояды  қарның  тіленбей»  деген  нақыл  сөзі  санамызға еңбекқорлықты сіңіруге тырысты  емес пе?  Жастарды  Отанға аянбай еңбек етуге, бойына адал табыс табу қасиеттерді қалыптастыруға  шақырады.

  Осы мақсатқа орай  №2 қалалық кітапхананың кітапханашысы А.И.Хайруллина 13 ақпан күні №3 ЖББОМ  оқушыларына «Еңбек  түбі - береке»  атты  іс  шара  өткізді. Іс шара қонағы тыл  ардагері Қ.Г.Гусманов., батыр ана, жергілікті ақын Д.Қ.Құсаинова сыр  сұхбат  беріп, ойларын ортаға салды. Тек  ерінбей  еңбек  еткен  адам  түбінде  өз  мақсаттарына  жететінін, еңбекқорлық,  адал  еңбекті  бағалай  білген  адам  ғана  құрметке  бөленіп,  мол табысқа қол жеткізетінін оқушыларға жеткізе білді. Шара ұйымдастырушы А.И.Хайруллина «Еңбек түбі-береке» атты сыр сұхбатты қорытындылай отырып, Елбасы  Үндеуінде  тоқталып, Адам  қандай  салада  еңбек етсе де, жеке  басының  мәдениеті  жоғары болуы  керектігін баяндады.