Қазақтың көрнекті жазушысы, Тәуелсіз «Таралан» сыйлығының және мемлекеттік сыйлықтың лауреаты Сайын Мұратбековтың «Басында Үшқараның» және «Жусан иісі» атты хикаяттарын насихаттау барысында №2 қалалық кітапхана ұжымы №3ЖББОМ оқушылары қатысуымен «Шығарма шырай шындық» атты әдеби кеш оздырылды.

       Әдеби кешті №2 қалалық кітапхана меңгерушісі М.А. Джусубалиева ашып С.Мұратбековтың өмірі мен шығармашылығын баяндады, «Басында Үшқараның» повесінде өмірдің сан – саласын, қат – қабатын қамтыған, адам сезімнің құпиясын ашқан. Жастық шақтың өтпелі көпірінен асып, отызға іліккен Әсеттің жүрегінде өзінің балалық дәуреніне сағыныш пен қимастық сезіміне толы шақтары лирикалық шығармада философиялық тұрғыда көрсетілген. Әсет өмірден біраз нәрсе жоғалтқан, табатыны да мол.

      Ал, «Жусан иісі» повесінде Ұлы Отан соғысы жылындағы ауыртпалықты суреттейтін шығарма.  Бірақ бұл туынды олардың ешқайсысын да ұқсамайды. Оқиғаның өрбуі мен дамуы да, лирикалық шығарманың ішкі жан дүниесіне де  балалардың соңынан аяғын сылтып басып, жете алмасын білгенде: «Әй тоқтаңдаршы, бір қызық ертегі айтайын», деп соқпақ шетіне отыра кететін  Аянның бейнесі кетпейді. Ғажайып қиялдарға беріліп, қызық – қызық ертегілерді ойдан шығарып, сонау көкесін сағынған кезде оның күртесін иіскеуді, күндіз ойнауға мұршасы  келмей, түнде басқа баланың шанасымен сырғанақ тебуі тәрізді көріністер жүрегіңді шымырлатады. Аян ертегісі оның өзі ақыл – парасатына сай,  рухани серігі – қиялы. Сол ұшқыр ойынның жетегіне ілесіп, дүниеден ерте кеткен анасымен, майдандағы әкесімен сөйлеседі. Өзге құрбыларынан кішкене, бірақ өмір оны ерте есейткен. Тіпті, оны жұбатуға келген балалардың өзін қайсарлығымен таңдандырады жазушы. Аянның адамгершілігін, парасаттылығын, байсалдығын суреттейді. Оқушылар қызыға тыңдап, жақсы әсер алды.

       Іс шара соңында кітапханашы: А.Қ.Атошева «Ойы ұшқыр қаламгер» атты кітап көрмеге бибилографиялық шолу өткізді.