28 сәуір күні Ғ.Құрманғалиев атындағы облыстық филормония залында  облыстық «Қадыр оқулары» байқауы болып өтті.  Ж.Молдағалиев атындағы облыстық ғылыми-әмбебап кітапханасы ұйымдастырып отырған байқау Ұлы жеңістің 70 жылдығына арналды.

Байқауға облыс аудандары мен Орал қаласынан он алты үміткер қатысып, бағын сынады. Байқау үш атылым бойынша болып өтті. Мақсаты ұлы ақынның соғыс тақырыбына жазылған өлеңдерін жас ұрпаққа насихаттау. Бас жүлдені Теректі ауданының «Теректі жаңалығы» газетінің тілшісі, жас ақын Әділет Орынбасаров жеңіп алды.

 Бөрлі ауданының орталықтандырылған кітапханалар жүйесінің атынан жасөспірімдермен жұмыс әдіскері Темьярова Айнагүл Болатқызы байқауға қатысып, Орал қаласының әкімі А.Көлгеновтің алғыс хатымен және сыйлығымен марапатталды. Бұл байқау да халқы барда Қадыр поэзиясының мәңгілік екендігін көрсетті.