23 қараша күні мүмкіндігі шектеулі жандармен жұмыс секторы кітапханашыларының ұйымдастыруымен  13 қараша - Халықаралық зағиптар күні  және 3 желтоқсан мүмкіндігі шектеулі жандар күніне орай  «Аялы алақан»  әдеби – сазды кеші оздырылды. Шараны мүмкіндігі шектеулі жандармен жұмыс секторының меңгерушісі Г.О.Малбағарова  өз алғысөзімен ашып, аудандық демалу орталығының   әншісі Е.Зинетденов  «Өмір сыры» әнімен жалғастырды. Кітапханашы  А.Наурызбекова шара барысында  атаулы Халықаралық Ақ таяқ күні және зағиптар күніне тоқтала келіп, бейнетаспадан «Өмірге құштар жандар» деп аталатын бейнероликті ұсынды. Шара барысында оқырман әрі ақын Мукашева Рая өзінің «Көшеде келеді бір адам», «Ана»  атты  өлеңдерін оқыды. Ақиық ақынымыз М.Мақатаевтың  «Шыда, шыда» өлеңін кітапханашы А.Хайруллина мәнерлеп оқып берді. Сектор  оқырманы  Асмамбетов Амангелді  «Қазақтың өнер көрмесі»  әнін кешке тарту етіп, әдемі әсерге бөледі.

  Шара соңында Бөрлі аудандық орталықтандырылған кітапханалар жүйесінің әдіскері  С. Тасымғалиева   кешті қортындылап, қатысқан оқырмаңдарға  алғысын білдірді.