9 желтоқсан күні Қызылтал ауылдық кітапханасында ҚР Тәуелсіздігінің  25 жылдығына орай «Алғырлар мен Тапқырлар» атты аукцион өтті. Шараны өткізудегі басты мақсат оқырмандардың білімділігін арттыру, зияткерлік қабілетін дамыту, заман талабына сай алған білімдері арқылы жауапкершілікке, ұқыптылыққа, ынтымақтылыққа тәрбиелеу болып табылады. Аукцион 4 кезеңнен тұрды. Ойын шарты бойынша сала бойынша 4 сұраққа жауап беріп, өз тобына ақша қорын жинайды. Сұрақтар әр сала бойынша қойылып, сұрақтардың күрделілігіне байланысты 10 теңге және 50 теңге көлемінде бағаланды. Нәтижесінде жиналған ақша қорын сыйлыққа айырбастайды. Әр кезең бойынша 12 сұраққа жауап беріп, екі топ та өз белсенділіктерін, білімділіктерін дәлелдеді. Сайыс қорытындысы бойынша «Алғырлар» тобы алға шығып, 1 орынға ие болып, екі топ та сыйлықтар мен марапат қағаздарын иеленіп, шарадан көңілді күймен тарасты.