2016 жылғы 14 қаңтарда Қазақстан Республикасының Президенті Н.Ә.Назарбаев Қазақстан халқы Ассамблеясының құрылған күні 1 наурызды Қазақстанда Алғыс айту күні деп жариялау  туралы  № 173 Жарлыққа қол қойды.

    Алғыс айту күні  - бұл, ең алдымен, елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.

   Осы орайда 26 ақпан күні Бөрлі орталықтандырылған кітапханалар жүйесінің ұйымдастыруымен «Біздің күшіміз бірлікте» атты  кездесу кеші оздырылды. Батыс Қазақстан облысы бойынша Қазақстан халқы Ассамблеясының мүшелері, Бөрлі ауданының құрметті азаматтары: Бокаев Мухтар Бокайұлы,  Агаев Анвар Агаярұлы, Абзалилов Алхат Зиннатұлы кеш қонақтары болды.

   Шара барысында «Қазақстаным- қарашаңырағым»  тақырыбында кітап көрмесі жасақталып, «Халықтарды  ұйыстырған   ұлы  ел»  атты   бейнеролик көрсетілді. Бөрлі орталықтандырылған кітапхана жүйесінің кітапханашылары «Біз мәңгілік елміз», «Халықтар достығы», «Адамдар бақытты болыңыздар», «Дружба народов» сынды өлеңдерін оқыса, Аудандық демалу орталығының  әншілері «Ақжайық», «Қазақтың жігіттері» әндерін тамылжыта  шырқады.