20 қаңтарда  Аудандық  кітапхана  оқу  залында  Мүмкіндігі   шектеулі   жандармен   жұмыс  секторының  ұйымдастыруымен    Елбасы  Н.Ә. Назарбаевтың  Қазақстан  халқына   жолдаған   Жолдауын  және  жыл  басында  жария  еткен   мақаласын  таныстыру, насихаттау  мақсатымен  «Арманға  бастайтын  ақ  жол»  атты  шара  болып  өтті. 

   Шараға  сектордың  ересек  және  жасөспірім  топтағы  оқырмандары  қатысқан  болатын.  Шара  барысы  Жолдауда   көрсетілген  5  бағыт  бойынша  түсіндірілді.  Жолдаудың   «Жаңа  әлеуметтік  саясат»  бағытына  ерекше  назар  аударылып,  Елбасымыздың 2017 жылдан  бастап «Баршаға   арналған  тегін  кәсіби-техникалық білім  беру»  бағдарламасын  жария  еткендігі туралы  айтылды.  Жолдау  естімейтін  оқырмандарға  сурдоаудармашы  Р.С. Джумабекованың   көмегімен  түсіндірілді.  Сонымен  қатар  шарада  кітапханашылар  Елбасымыздың  жария еткен  «Ұлт жоспары – қазақстандық  арманға  бастайтын  жол»  атты  мақаласына  тоқталып, бұл мақалада  жаһандық  дағдарысқа қарамастан  5 институционалдық  реформаны  жүзеге  асырудың кезеңі келгенін , тұтастай алғанда елді жаңғыртудың өзіндік бір  бағыты  болып  табылатындығын   және  Мемлекет  басшысы Ұлт жоспарын жүзеге асыруға қатысты  ауқымды дайындық  жұмыстарын  тиянақты , әрі ашық түрде түсінікті етіп көрсеткендігі айтылды.    

   Шара  соңында  сөз  алған сектор меңгерушісі  Г.О. Малбағарова  виртуалды  баспасөзіне  шолу  жасап өтті . Бұл  шолудың  мақсаты:  қазіргі  таңда  қолжетімді  ғаламтор  желісі  арқылы  жолдаулардың,  мақалалардың  жарияланып  отыратынын  және  кез  келген  уақытта ашып оқуға  болатынын  көрсету.