16 ақпан күні Ауғанстаннан Кеңес әскерлерінің шығарылғанына 28 жыл толуына орай Ауған соғысы туралы мәлімет беру және сол соғысқа қатысқан  ардагерлермен таныстыру мақсатында № 1 қалалық кітапханасында  «Ауған ақиқаты» атты шара өтті.

Кешке арнайы  шақырылған  қонақтар Ә.Ескалиев, Қ.Шарипбаев, Н.Кенжегалиевтер және № 1 ЖББОМ 8 ә сыныбының оқушылары қатысты. Кітапхана меңгерушісі А.Қарақұлова ауған соғысы туралы мәлімет беріп, «Ауғаныстан – жүректегі жара» атты слайдты ұсынды.  

«Ауғаныстан – біздің естелігіміз және қасіретіміз»  атты кітап көрмесіне библиографиялық шолу өткізіліп, әдебиеттермен таныстырылды. Шараға қатысқан мектеп оқушылары  ардагерлерге сұрақтарын қойып, ауған соғысы туралы өздері дайындап әкелген өлеңдерін оқып берді.