2015 жылдың 6 ақпанында Ассамблея жылы кең байтақ Қазақстан бойынша бір мезгілде синхронды түрде бастау алды. Соған байланысты Аудандық орталық кітапхананың кітапханашысы Бергалиева Баян Айткалиқызы мен Жусупова Насуха Коптлеуқызы ұйымдастыруымен Батыс Қазақстан инженерлі-экономикалық колледжінің 912-ші электрик мамандарымен Ассамблея тарихымен таныстыру мақсатында «Ассамблея – татулық темірқазығы» атты кездесу өткізілді. Оқырмандарға Ассамблея туралы бейнебаян көрсетілді.

       2015 жылы Қазақстан халқы Ассамблеясы жылы деп ең басты ортақ құндылықтарымыз егемендігімізді, бірлігімізді, Қазақстан халқының бейбітшілігі мен келісімін сақтауға арналған. Осыдан 20 жыл бұрын 1995 жылдың 1 наурызында біздің қоғамдағы бейбітшілік пен келісімді сақтауға арналған бірегей институт Қазақстан халқы ассамблеясын құру туралы жарлыққа қол қойды. Ассамблея жылы - Қазақстандықтардың ортақ мерекесі. Еліміздің әрбір азаматы атамекеніміздегі бейбітшілік пен келісімді сақтауға тиісті. Бұл Қазақстан болашағының негізі.

      Студенттер Қазақстанның достыққа, келісім мен бейбітшлікке негізделген стратегиясына деген ой-пікірлерімен бөлісті. Ассамблея туралы әдебиеттермен жасақталған кітап көрмесі оқырмандар назарына ұсынылды. Елбасымыз бұл жыл ортақ тарих пен тағдыр мәңгілікке біріктірген халқымыздың бірлігін нығайтатын жыл. Қазақстан – бұл біртұтас жер, біртұтас халық, ортақ болашақ. Сондықтан Ассамблея жылының басты идеясы менің елім -  мәңгілік ел. Біздің Қазақстандық жол бейбітшілік келісім және демеу жолы. Бір шаңырақ астында ұлттар достығы нығайып, ортақ отанымыздың игілігі үшін еңбек ете берейік!