2014 жылдың 29 тамыз күні №6 Мектепке дейінгі балалар ұйымының «Лучик» түзету тобында Қазақстан Республикасының  Конституция күніне орай «Права ребенка» атты  тақырыптық ертеңгілік өтті. Аталмыш шараның мақсаты балалардың азаматтық құқықтары мен міндеттері туралы білімдерін жинақтау, тіл байлықтарын және кітап оқуға деген құштарлықтарын дамыту.

         «Лучик» түзету тобының тәрбиешісі Т.С. Шукпутова шара басында балаларға ҚР Конституциясы күні мерекесінің маңызы туралы әңгімеледі. Сонымен қатар балаларға «Мои права» тақырыбында кітап көрмесі өткізілді. Сектор кітапханашысы Ж.Н. Шуиншалиева шара тақырыбына сай қойылған ертегіде Мыстан Кемпірдің рөлін сомдап, балаларға Мемлекетіміздің басты Заңы – Конституция туралы түсіндірді.

         Қойылған ертегі мазмұнынан түзету тобының балалары өз құқықтары жөнінде көп білді.

         Тақырыптық ертеңгілікке №6 Мектепке дейінгі балалар ұйымының директоры Г.М. Габдышева, ОКЖ әдіскері А.А.Мулькаманова, Мүмкіндігі шектеулі жандармен жұмыс секторының меңгерушісі Г.О.Малбагарова қатысты.

         МДҰ директоры Г.М. Габдышева сектор қызметкерлеріне осындай ерекше шара өткізгендері үшін алғысын білдіріп, кішкентай бүлдершіндердің қызығушылықпен қойылған ертегіге қатысып, сұрақтарға жауап бергендері туралы айтты.