Ардақты елім құтты болсын туған күн,

Сені жырлап, әсем әнмен қостым үн.

Ұлы халқым жүрегімен аймалап,

Аспаныңнан нұрын төгіп шықты күн.

  Ынтымақ пен бірлік ордасы Ақсай қаласының қала күні мерекесі қарсаңында Бөрлі орталықтандырылған кітапханалар жүйесінің ұйымдастыруымен  «Қазыналы, берекелі Ақсайым» атты тақырыптық кеш оздырылды. Аталмыш шараға қатысқан Бөрлі ауданының орталықтандырылған кітапханалар жүйесінің кітапханашылары мен  оқырмандар назарына  «Мерейлі мекенім – Ақсайым» тақырыбындағы жасақталған кітап көрмесіне  Ақсай қаласының тарихы, өткені мен болашағы, Қарашығанақ кешені туралы баяндалған әдебиеттер қойылып,  библиографиялық шолу жасалды. Сонымен қатар сүйікті де әсем қаламыздың  бүгінгі өмірін бейнелейтін видеоролик көрсетіліп, өнерлі мекеніміздің қалам тербеп жүрген ақындары жазған өлеңдері мәнерлеп оқылды.

        Бөрлі ауданының орталықтандырылған кітапханар жүйесі қала күніне орай 15 жасқа дейінгі балалар арасында «Ақсай – 2030» тақырыбында аудандық суреттер байқауын ұйымдастырып, оқырмандардың тапсырған  жұмыстарды арнайы құрылған әділқазылар алқасы бағалап, қортындысы жариялды.