Күн шығып, дала жасыл кілемге оранып, әдемі гүлдер жайқалып келген жаз мезгілінің алғашқы күні - 1 маусым Халықаралық балаларды қорғау күніне орай Бөрлі орталықтандырылған кітапханалар жүйесінің ұйымдастыруымен «Біз әлемді сүйеміз» атты асфальтқа сурет салу шарасы оздырылды.

  Аталмыш шараға қаламыздың барлық алты жалпы білім беретін мектеп оқушылары мен мектепке дейінгі ұйымдардың тәрбиеленушілері қатысты. Мереке күні балалар асфальтқа сызылған жүз он шаршыға сурет салып, түрлі зияткерлік, спорттық, жұмбақтар сайыс - викториналарында белсенділік танытып, сыйлықтарға ие болды.