9 ақпан күні өңірімізге, жалпы республика көлемінде танымал айтыскер ақын, жыршы – термеші Қатимолла Бердіғалиевтың туғанына 65 жыл толуына орай «Дәстүрлі әнді жанына серік еткен» атты әдеби - сазды сағаты өткізілді. Шараның басты мақсаты Қатимолла Бердіғалиевтың шығармашылығын насихаттау арқылы оқырмандардың қазақ өнеріне деген қызығушылықтарын арттырумен қатар эстетикалық тәрбие беру болатын. Шара барысында Қ.Бердіғалиевтың республикалық телеарнада түсірілген «Дара жол» бағдарламасынан үзінді көрсетіліп, күйтабақтан термелері тыңдалды. ОБК кітапханашысы Қ.Магзумова айтыскер ақынның өмірі мен шығармашылығы туралы мәлімет берді. Шараға арнайы шақырылып қатысқан ақынның сыныптасы С.Қасымқызы мен ОКЖ директоры Д.Кеңесбайқызы әдемі әңгімелері мен қызықты оқиғаларымен бөлісті. Әдеби сазды сағаттың соңын «Домбыра» үйірмесінің тәрбиеленушісі Азамат Доскалиев халық күйі «Келіншекпен» аяқтады.
 
|