Бүгін, яғни 12 қаңтар күні еліміздің барлық облыстық, аудандық, ауылдық кітапханаларында сөз бастаған шешен, қол бастаған батыр, Кіші жүздегі шаруалар көтерілісінің  басшысы Сырым Датұлының туылғанына 275 жыл толуына орай сағат  11.00 –де бір мезгілде «Ел бастаған көсем, сөз бастаған шешен» атты кітап көрмесінің таныстырылымы өтті. Аталмыш шара  ҚР Ұлттық кітапханасы мен облыстық, аудандық кітапханалардың онлайн режимде байланысқа шығып, ердің тойы елдің тойы екенін атап өтіп, батыр бабамыз туралы лебіздері мен ой-пікірлерін бөлісуден басталды.                  

         Осыған орай Бөрлі орталықтандырылған кітапханалар жүйесінің барлық ауылдық, қалалық кітапханаларында кітапханашылар түрлі мекеме ұжымдары мен мектеп оқушыларына батыр бабамыз туралы кітапхана қорындағы бар әдебиеттер мен баспасөз беттерінде жарияланған деректер арқылы ақпарат беріп, бейнеслайдтар арқылы әңгімелеп, ақпараттық – танымдық сағатын өткізді.