21 қаңтар күні № 1 қалалық кітапханасында Елбасы жолдауын қолдау, оқырмандарға насихаттап, түсіндіру бағытында  «Елбасының жолдауы – басты бағдар»  атты  кітап  көрмесіне  библиографиялық шолу   өткізілді.

             Шараға кітапхана жанындағы зейнеткерлерден құралған «Жүздесу» қызығушылар клубының мүшелері мен №1 ЖББОМ 8 ә сынып оқушылары  қатысты. Шараны кітапхана меңгерушісі  А.Қарақұлова кіріспе сөзімен бастап, Елбасы Жолдауының мән – мағынасын, еліміздің экономикалық дамуындағы маңызды рөлін айта келе, «Елбасы Жолдауы – жарқын болашаққа үндеу»  атты бейнеслайдты ұсынды. Келесі кезекте «Елбасының жолдауы – басты бағдар»  атты  кітап  көрмесіне  библиографиялық шолу жасап, кітапхана қорындағы Елбасы Жолдауы, «Қазақстан - 2050»  стратегиясы  туралы барлық әдебиеттер мен БАҚ  беттерінде жарияланған мәліметтермен таныстырды. «Жүздесу» клубының мүшелері  А.Қабақбаева, Д. Нұржановтар өз пікірлерін білдіріп, ой бөлісті.