«Мәңгілік өшпес- отты жылдар» тарихи сағат. Мүмкіндігі шектеулі жандармен жұмыстану секторының ұйымдастыруымен  2016 жылдын 24-ші маусымында аудандық кітапхана оқу залында  биыл осыдан тура 75 жыл бұрын, яғни 1941 жылдың 22 маусымында фашистік Герман әскері КСРО-ның батыс шекарасына басып кіргендігі жөнінде, Ұлы Отан соғысы туралы  оқырмандардың басын қосып, ел еркіндігін, бостандығын қанымен қорғаған қазақстандықтардың ерлік істерімен, тарихын  таныстыру, соғыс туралы оларға толық мәлімет беру, әдебиеттерді насихаттау, кітап оқуға шақыру мақсатында   «Мәңгілік өшпес - отты жылдар» атты тарихи сағат өткізілді. Шара барысында «Ешкім де, ешнәрсе де ұмыт қалмайды» атты кітап көрмесі  жасақталып, кітапханашы А.Н.Наурызбекова шолу жасады. Бұл кітап көрмесіне Ұлы Жеңіске арналған барлық кітап қорындағы әдебиеттер қойылды. «Соғыстың басталуы» атты дайындалған слайд-презентацияны сурдо-аудармашы Раушан Джумабекова таныстырды. Шара соңында  А.У.Губайдуллина кешке қатысқан  оқырмандарға алғыс айтып, соғыс тарихын ұмытпай, ардагерлерге құрмет көрсетіп, болашақ  ұрпаққа  патриоттық тәрбие бере білуге шақырды.