14 ақпанда Х.Есенжанов атындағы облыстық балалар және жасөспірімдер кітапханасының ұйымдастыруымен жазушы, жерлесіміз, «Ақ Жайық» трилогиясының авторы Хамза Ықсанұлы Есенжановтың туғанына 110 жыл толуына орай «Жайық деп соққан жүрегі» атты облыстық балалар акциясы аясында Бөрлі ауданының орталықтандырылған кітапханалар жүйесінің барлық кітапханаларында «Ақжайығын аңсаған азамат», «Еліне із қалдырған елеулі тұлға», «Арманы үндес еді Ақ Жайықпен», «Ақжайықтың қарымды қаламгерлері» атты іс-шаралар топтамасы оздырылды. 
Акцияның мақсаты: Жазушы Хамза Есенжановтың 110 жылдық мерейтойына орай қайсар тұлғаны тану, жазушы әлемін арнайы зерттеу, жазушы шығармашылығын насихаттау. Жазушы Х.Есенжановтың шығармашылығын насихаттау арқылы жас оқырмандарды тәуелсіз елін мақтан тұтуға, Отанын, ұлтын сүюге тәрбиелеу, шығармашылыққа баулу.