2018 жылдың 31 қаңтар күні Орталық балалар кітапханасы филиалында ЖББ №1 мектеп-балабақша кешенінің «Ақбота» тобы балалары мен тәрбиешісі У.Ш.Бисенованың қатысуымен "Кітап әлеміне саяхат" атты кітапханаға саяхат өткізілді.

Мақсаты: Кітапхана және кітап арқылы жас оқырмандардың ой-өрісін дамытуға тәрбиелеу, кітапқа деген қызығушылықтарын арттыру, кітапханаға баулу.
Саяхат барысында кітапхана меңгерішісі Г.В. Губская мен кітапханашы С.Ш. Аленова балаларға кітапхана , кітап қоры туралы қысқаша мәлімет берді. Жас оқырмандарға кітапхана қорындағы бүлдіршіндерге арналған әр түрлі әдемі безендірілген «Ашылмалы кітапша» топтамасы, «Сөйлейтін кітапша» топтамасы, «Дауысқа құлақ салайық» топтамаларын көрсетіп, «Жыл басына таласқан жануарлар» сияқты ертегілерден үзінділер оқылды. Сонымен қатар, бүлдіршіндерге кітаптарды ұқыпты қолдану ,таза ұстау ережелері туралы түсіндірді.