Жасөспірім оқырмандар арасында қазақтың аса көрнекті ақыны, Қазақстан Республикасының Мемлекеттік сыйлығының иегері Мұқағали Мақатаевтың шығармаларын насихаттау, жас буынның шығармашылық қабілеттерін, эстетикалық талғамдарын анықтау және өз ой-пікірлерін кестелі сөз, көркем оймен жеткізе білуін дамыту мақсатында Бөрлі орталықтандырылған кітапханалар жүйесінде 2016 жылдың 9 ақпан күні аудандық «Мұқағали оқулары» байқауы өтті.        

    Оздырылған байқауға ауылдық және қалалық кітапханалардан 16 үміткер қатысты. Олар «Қазақ  поэзиясының алыбы» айналымы бойынша  мәнерлеп оқуға ұсынылған Мұқағали өлеңдерін жатқа оқыса, «Марқасқа Мұқағали өмірі» атты айналамында ақынның өмірі мен шығармашылығы туралы қойылған сұрақтарға жауап берді. Соңғы «Поэзия!  менімен егіз бе едің?» аталған айналымында қатысушылар Мұқағали Мақатаевтың бір шумақ өлеңінің ұйқасын пайдалана отырып, өлең құрастырулары шарт еді.

  Әділқазылар алқасының шешімімен аудандық «Мұқағали оқулары» байқауының қортындысы анықталып, бас жүлдені  №1 қалалық  кітапханасының оқырманы  Жардемова Альбина  жеңіп алса, жүлделі

  I орын Киров ауылдық кітапханасының оқырманы Тыныштық Нұржауғанға,  II орын Орталық аудандық кітапханасының оқырманы Ерғалиева Асемгүлге, III орын Ақбұлақ ауылдық  кітапханасының оқырманы Бижанова Назеркеге бұйырды.  Ал басқа оқырмандар байқауға белсене қатысқаны үшін алғыс хаттармен марапатталды.