Қазақстан Республикасы Тәуелсіздігінің 25 жылдығы және Жұбан Молдағалиевтың туған күніне орай дәстүрлі «Жұбан оқулары» аясында ақынның патриоттық тақырыптағы жырларын оқудан «Мәңгілік Ел идеясы – Жұбан жырында» акциясына  орай  Бөрлі орталықтандырылған кітапханалар  жүйесінің  барлық ауылдық, қалалық кітапханаларында  Жұбан ақынның өлеңдерін мәнерлеп оқудан түрлі шаралар  өткізілді. Жұбан жырларының  қазақ әдебиетінде алар орны ерекше. Оның  азаматтық  әуендері мен патриоттық  жырлары  ұрпақ санасынан өшпек емес. Жас ұрпақтың жырға деген сүйіспеншілігін оятып, әдебиет әлемін кеңейтуді  көздеген  орталық аудандық кітапханасы, №2 қалалық кітапханасы, Бөрлі, Пугачев, Қызылтал, Успен, Александров, Киров, Кеңтүбек, Ақсу, Жарсуат, Приурал, Ақбұлақ, Қанай, Бумакөл  ауылдық  кітапханаларында  мектеп оқушылары мен кітапхана оқырмандары ақынның жалынды жырларын оқып, өздеріне ұнайтын шығармалары туралы ой бөлісті. Шара барысында ақынның шығармалары мен ол туралы естеліктерден жасақталған «Жыр тудырған Жұбан», «Ақжайықтың ақиығы Жұбан ақын», «Елім деген еңселі ер», «Жырларымен жұбатқан Жайық елін» атты кітап көрмелеріне шолу жасалып, кітапханашылар  оқырмандарды тың мәліметтермен таныстырды.