Мақсаты:  Отан, Қазақстан, туған жер туралы түсініктерін кеңейту, Қазақстан Республикасының рәміздері туралы түсініктерін қалыптастыру,
Оқушыларды Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеуге, халқының тегін, тарихын білуге тәрбиелеу.4  маусым  Қазақстан  Республикасының  Рәміздері  күніне  орай,  орталық  аудандық  кітапхананың  кітапханашысы  А.И.Хайруллина  мен  мүмкіндігі  шектеулі  жандармен  жұмыстану  секторының  меңгерушісі  Г.О. Малбағарова  № 2 ЖББОМ-тің  оқушыларына  «Мақтанышым  мемлекеттік  рәміздер» атты  тақырыптық  сағатты  қазақ,  орыс  тілдерінде  жүргізіп, оқушыларға мол  мағлұматпен  слайд  арқылы  таныстырды.            Мемлекеттік рәміздер - халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Желбіреген аспан түстес байрағымыз халқымыздың арманын асқақтатып, қыран бүркіттей елімізді аспан әлемінде қалықтатып тұр. «Біз Тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек. Әрбір азамат Қазақстанның Туын, Елтаңбасын, Әнұранын тұмардай қасиет тұтуы қажет. Елдігіміздің сыналатын бір тұсы-осы»,- деген Елбасымыз Нұрсұлтан Назарбаевтың арнау сөзін Қазақ елінде тұратын және оны өз отаным деп білетін әрбір азамат жүрегінің терең түкпірінде сақтап, қашанда жадында ұстауы керек. Бұл баршамыздың туған ел алдындағы перзенттік борышымыз! Тақырыптық сағаттың  соңында  «Ел  рәміздері – ұлт  мақтанышы»  атты  кітап  көрмесіне  библиографиялық  шолу  жасалды.