15 қараша күні  Бөрлі ОКЖ-де   «Мен және менің оқырмандарым» атты аудандық байқауы болып өтті. Мақсаты: Кітапханашы мен кітапхана оқырмандарымен қарым-қатынастың жаңа түрлерін қалыптастыру, кітап оқу тақырыбындағы үздік жұмыстар мен талантты  оқырмандарды анықтау. Байқаудың шартына сәйкес қатысушы  кітапханашы кітапхананың тұрақты үздік 3 оқырманымен 4 кісіден құралған командамен шығуы тиіс. Оқырмандар  ересек, орта және кіші топтан тұратын кітапхананың тұрақты оқырмандары болуы шарт. Байқау «Мамандығым мақтанышым»,  «Бәріде оқырманнан басталады», «Менің кітапханамдағы ең қызықты кітаптар»,  «Көркем сөз - көрікті ойдың жемісі»,  «Қазақ әдебиетінің жыр-жауһарлары», «Өнерімен өнегелі оқырман» атты 5 айналымнан  тұрды. Байқауға  Бумакөл, Ақбұлақ, Александров ауылдық кітапханалары мен №1 қалалық кітапхана және ОБКф қатысқан болатын. Бас жүлдені Ақбұлақ ауылдық кітапхана меңгерушісі Имашева М.Б. және оқырмандары иеленді.