17 – ші қыркүйек күні Қазақстан Республикасының тілдер күніне орай Орталық балалар кітапханасың ұйымдастыруымен «Өнер алды қызыл тіл» атты 7-8 жастағы оқырмандар арасында мақал – мәтел сайысы оздырылды.Сайысқа №3,4,6 шы мектептің 3 - ші сынып оқушылары қатысты.

Олар: Жақсымбет Ералы №3 мектеп, Батырғали Айзада №4 мектеп,Айкоргенова Мадина №4 мектеп,Кежеғали Әли  №6 мектеп,Нургалиева Аймира №6 мектеп.

Сайыстың басталуын Орталық балалар кітапханасының меңгерушісі Кужабергенова Венера Серикқалиқызы ашып, сайыскерлерге  сәттілік тіледі. Іс – шараның басты мақсаты аз сөзбен көп мағына беретін ауыз әдебиетінің жанры мақал – мәтелдерді біліп, орынды жерінде қолдана білуге баулу. Баланың ақыл – ойын, интеллектісін дамыту. Ана тілін құрметтеуге, қастерлеуге тәрбиелеу болатын.

     Әр кезең сайын ұпай саны аз сайыскерлер ойыннан шығып отырды.Сайыс соңында Орталықтандырылған кітапхана жүйесінің әдіскерлерінен құрылған әділқазы алқалары әр сайскердің білімін, шапшаңдығын бақылай отырып, соңғы кезеңге жеткен екі сайыскердің бірі №6 мектеп оқушысы Нургалиева Аймираны жеңімпаз болуыға лайықты деп таныды.Шара соңында кітапхананың балалармен жұмыс әдіскері Мулькаманова Ақторқа Абдулкалимқызы қатысушыларға алғыс білдіріп, арнайы диплом мен шағын сыйлықтармен марапаттады.