24 қаңтар күні №1 қалалық кітапханасында актриса Хадиша Бөкееваның туғанына 100 жыл толуына орай «Өнердің қайталанбас еркесі»  атты портрет кеші  өтті. Шараға №1 ЖББОМ 8 ^ә сыныбының оқушылары қатысты. Кешті кітапхана меңгерушісі А.Қарақұлова кіріспе сөзімен бастап, Х.Бөкеева туралы толық мәлімет берді. «Сұлулық тұнған сырлы әлем» атты бейнеслайд арқылы актрисаның қазақ кино өнері мен театр өнеріндегі сіңірген еңбегі, сомдаған образдары туралы баяндалып, отбасы, өмір жолы туралы айтылды. Шара соңында «Ғибраты мол ғұмыр» тақырыбында жасақталған кітап көрмесіне библиографиялық шолу жасалып, кітапхана қорындағы актриса туралы әдебиеттер мен мақалалар таныстырылды.