2015 жылдың 22 қаңтарында №6 орта мектепте Орталық балалар кітапханасының ұйымдастыруымен «Кітаппен өмір шуақты» атты қуыршақтар театрының қойылымы болды. Бұл шара бірінші сынып оқушыларының қатысуымен өткізілді.

Шараның мақсаты: кішкене оқырмандарды кітапханаға  тартып, балалар кітапханасымен таныстыру және кітапқа деген қызығушыларын арттыру. Мұнда алдымен кітап туралы мәліметтер және дайындалған бейне таспа көрсетілді. Кітапханашылар  «Мысық пен ит адам баласымен қалай дос болды?» атты ертегісіннен қуыршақтар қойылымын көрсетті. Қойылым өте қызықты және кішкене оқырмандарға тартымды болды. Соңында қойылған ертегіден оқырмандарға арналған сұрақтар берілді. Оқырмандарға қуыршақтар өте жақсы ұнады және сол қуыршақтар мен суретке түсіп, кітапханадағы ертегі кітаптармен танысты.