3 ақпан күні №2 қалалық кітапханасында жерлесіміз, талантты суретші  Сәкен Нәжметденұлы Ғұмаровтың туғанына  80 жыл толуына орай «Сәкен әлемі» атты өнер кеші өткізілді.

    Шараға  БҚИЭК-нің 3 курс студенттері және жергілікті ақын, кітапхананың тұрақты оқырманы Дәмелі Құсайынқызы шақырылды. Кітапхана меңгерушісі М.Джусубалиева суретшінің  өмірбаяны, шығармашылық еңбек жолы туралы баяндап, «Звездные ритмы Сакена Гумарова» атты альбом-кітабын ұсынды. Студенттер альбом бойынша қосымша мәліметтер алып, суретшінің  еңбектері, тарихи жанрдағы картиналарымен танысты. Сонымен қатар кеш қонағы Д.Құсайынқызы да өз ой – пікірімен бөлісіп, өнер туралы шаралардың көптеп өткізілуіне тілектестігін білдірді.