2016 жылдың 2 желтоқсан күні Ақбұлақ ауылдық кітапхана меңгерушісі М.Имашеваның  ұйымдастыруымен Қазақстан Республикасы Тәуелсіздігінің  25 жылдығына арналған «Шаңырағым – шаттығым» атты отбасылық байқау өткізілді.

Байқаудың мақсаты: отбасылық оқу дәстүрінің өркендеуіне себеп болу, отбасылық қатынасты және ата – аналар мен балалардың бос уақытын бірге өткізуге баулу.

Байқауға Наурызовтар жанұясы, Бақыт жанұясы, Сұлташевтар жанұясы қатысты. Жанұялар 4 айналым бойынша бақ сынасты. «Сұрасаң менің тегім...» айналымында жанұялар өздерін өлеңмен жақсы таныстыра білді.

«Мақал – сөздің мәйегі» айналымында жанұялар өздерінің білімділіктерін, тапқырлықтарын көрсетіп, Бақыт жанұясы алға шықты.

«Бала тілі -бал» айналымында байқауға қатысушы жас үміткерлер өз өнерлерін ортаға салып, бір – бірінен қалыс қалмады.  

«Шаңырағым - шаттығым» айналымында жанұялар үйге берілген  тапсырма бойынша ертегіден көрініс көрсетті.

Байқауда жанұя жарасымдылығын, татулығын көрсете білген Бақыт жанұясы жүлделі 1 орынды иеленді.

Әділ қазылар шешімімен «Өнерлі шаңырақ» номинациясы Наурызовтар жанұясына, «Өнегелі шаңырақ» номинациясы Султашевтар жанұясына берілді. Барлық жанұялар бағалы сыйлықтар мен «Алғыс хатпен» марапатталды. Кештің соңы мерекелік ән - шашуға ұласты.