2016 жылдың 8 қараша күні  аудандық қызмет көрсету бөлімінің оқу залында Бөрлі ауданының құрметті азаматы, Батыс Қазақстан облысы  бойынша  Қазақстан халықтар ассамблеясының мүшесі, қаламыздың соғыс және еңбек ардагерлері  одағының төрағасы, өмірден мезгілсіз өткен Бокаев Мұхтар Бокайұлын  еске алу  мақсатында «Тағылымы таудай тау ұлы еді» атты еске алу кеші  өткізілді. Еске алу кеші абзал азаматты еске алуға арналған бір минут үнсіздікпен басталып, одан кейін Бөрлі орталықтандырылған кітапханалар жүйесінің директоры  Д.К.Нұрашова, Мұхтар Бокаевтың  өмір жолында  бір жүрген достары мен замандастары  Қуанышқали Ғұсманов, Садық  Мырзағалиев, Мирас Бақтығұлов, Әсия Мұхитова   сөз алып, Мұхтар Бокаевтың  қызметтегі еңбекқорлығы мен жауапкершілігі, іскерлігі мен  қайырымдылығы  сынды  естеліктерімен  бөлісті. Шара барысында  «Ұлттар достығының елшісі » атты кітап көрмесіне №2 қалалық кітапхана меңгерушісі  М.А. Джусубалиева библиографиялық шолу жасап, Мұхтар Бокаевтың  кітаптарымен, қолжазбалары мен әр жылдардағы еңбегі үшін ие болған марапаттарымен  таныстырды.