Бүгін 20 ақпанда Қанай ауылдық кітапханасында "Болашаққа бағдар: рухани жаңғыру" бағдарламасы аясында "Ауыл іші - өнер кеніші" аудандық байқауының бірінші кезеңі "Туған өлке тарихынан тағылым" атты кітапханалық бұрышының тұсаукесері жалғасын тапты. Кітапханалық бұрыштың тұсаукесеріне Бөрлі ОКЖ-нің директорының орынбасары А.Т.Мусаева, кітап қорын толықтыру жəне жабдықтау бөлімінің меңгерушісі М.У. Сарсенгалиева, ақпараттық-библиографиялық бөлімінің меңгерушісі Б.Исмагулова, Бөрлі ОКЖ-нің əдіскері А. Атошева, Қанай ауылдық мəдениет үйінің қызметкерлері, Қанай ауылының байырғы тұрғындары, зейнеткерлер, кітапхана оқырмандары қатысты. Əр өлке тағылымды тарихымен, айбынды ерлерімен даңқты. Өлке тарихынан сыр шертер көне жəдігерлермен қамтылған өлкетанулық бұрыш оқырмандар назарына ұсынылды.