19 қаңтар күні Орталық  аудандық кітапхананың оқу залында Кеңес Одағының батыры В.Ф.Тарасенконың туғанына 105 жыл толуына орай  №5 ЖББОМ 8 сынып оқушыларының қатысуымен  портрет кеші өткізілді.

        В.Ф.Тарасенко  1912  жылы 17 қаңтарда Батыс Қазақстан облысы, Бөрлі ауданы, Киров ауылында туған. Соғыс кезіндегі батырлығы мен ерлігі үшін Василий Федорович Тарасенкоға 1943 жылы 30 қазанда Кеңес Одағының Батыры атағы берілді. Ленин, Қызыл Ту ордендерімен марапатталған. Ол 1979 жылы 13 қаңтарда қайтыс болды. Батырдың туған ауылындағы орта мектепке оның аты берілген.                                                                             

      Кітапханашы В.Иманова батырдың өмірі мен майдандағы ерліктері, бейбіт өмірдегі еңбектері  туралы баяндап, В.Тарасенко туралы кітапхана қорындағы әдебиеттермен таныстырып, бейнеслайд арқылы әңгімелеп берді.

Оқушылар И.Еркінгалиева , Н.Гусмановалар Ұлы Отан соғысына қатысқан өз ата – әжелерінің өмірбаяндарынан үзінді айтып, өз ойларын ортаға салды.

      Сынып жетекшісі  А.Е.Насретдинова    осындай  әсерлі де қызықты шараны ұйымдастырған  кітапхана  қызметкерлеріне өз алғысын айтып , оқушыларға бейбіт өмірде өмір сүріп жүргеніміз  еліміздің ардагерлерінің арқасында екендігін айта келіп, аталардың ерлігін мақтан етуге шақырды.