Адамгершілік, имандылық қасиеттерін насихаттау барысында №2 қалалық кітапханасында  жергілікті ақын Асия Ғұбайдоллақызы Мұхитова және №3 ЖББОМ  9 «Б» сынып оқушыларының қатысуымен «Қыз-ұлт қазынасы» атты ой-толғау кеші оздырылды. Шараны №2 қалалық кітапханасының меңгерушісі М.Джусубалиева ашып, Елбасымыз Нұрсұлтан Әбішұлы  «Әйел – бесік иесі. Демек, әйелдің жайы түзелмей, бесігіміз түзелмейді, бесігіміз түзелмей – еліміз толық түзелмейді» деген сөздерін алға тартып, қазақ елінің алтын қоры - қыз баланың тәрбиесі туралы баяндады. Келесі кезекте осы шараға арнайы шақырылған жергілікті ақын, кітапхананың тұрақты оқырманы А.Ғ.Мұхитова сөз алып, ардақты ана, ұлт жанашыры ретіндегі тағылымды  ойларымен бөлісіп, кешке қатысқан бойжеткендердің сауалдарына жауап берді.