20.10.16 ж. № 1 қалалық кітапханасында жазушы, Қазақстан Республикасының  еңбек сіңірген қайраткері Сайын Мұратбековтің 80 жылдығына орай «Зергер сөздің  шебері» атты әдеби кеш өтті.

  Мақсаты: Оқушыларды кітап оқуға тарту, рухы жоғары азаматтарды тәрбиелеу.

  Шараны кітапханашы Ф.Қарабаева жүргізіп, Сайын Мұратбековтың өмірбаяны мен шығармаларын таныстыра отырып, «Біреу» атты шығармасын сұрақ – жауап арқылы әңгімеледі. 8 ^ғ сынып оқушылары Лұқпан Азиза, Бимағанбетова Альмира шығарма желісі бойынша өздерінің ойларын ортаға салды.

   Сайын Мұратбековтің ғаламтор желісінен алынған видео-слайд арқылы жазушының өмірбаяны, шығармалары, отбасылық өмірі, қаламгерлердің ол туралы ой – пікірлері және т. б. тамашалады.

   «Талантты қаламгер»  атты кітап көрмесіне кітапхана меңгерушісі А.Жүсіпқалиқызы библиографиялық шолу жасап, жазушының шығармаларын насихаттауда 2014 ж. «Бір ел – бір кітап» акциясы бойынша «Жусан иісі» және «Басында Ұшқараның» атты шығармалары насихатталғанын айта отырып, бұл туындыларды кезінде оқырмандар жылы қабылдап, ыстық ықыласын білдіргенін, жазушының балалық шағы соғыстан кейінгі жылдармен тұспа – тұс келгендіктен Ұлы Отан соғысы жылдары мен одан кейінгі қиын кезеңдегі қазақ ауылының тыныс – тіршілігін арқау болған шығармалары оқуға жеңіл екендігі айтылды. Қорытынды сөз кезегінде балалар әдіскері Ж.Шуйншалиева шараға қатысқан №5 ЖББОМ 8 сынып оқушыларына және сынып жетекшісі А.Насретдиноваға алғысын білдіре отырып, еңбекте, оқуда табысты болуларына тілектестігін білдірді.