30-шы  қазан  Бөрлі   аудандық   кітапхана  оқу  залында   Мүмкіндігі  шектеулі  жандармен  жұмыс  секторының    және  аудандық әлеуметтік  қорғау мекемесінің ұйымдастыруымен  қазан  қайырымдылық  айлығы шеңберінде « Жүрек  жылуы»  атты қайырымдылық  кеші  болып  өтті.

 Кешке  сектор  оқырмандары  шақырылып, дастархан  жайылды. Шараны  жүргізушілер екі  тілде  жүргізді. 

   Кеш  барысында  сөз  алған  Бөрлі  аудандық  жұмыспен  қамту және әлеуметтік  бағдарламалар  бөлімінің  мүгедектермен  жұмыс  секторының  бас  маманы  М.Х. Арыстанова  мүмкіндігі  шектеулі  жандарға  көңіл  бөлініп тұратынына, осындай   шаралардың  маңыздылығына  тоқталып  өтті және  де сектор меңгерушісі  Г.О. Малбағаровада  өзінің  жылы лебізін және осы кешке демеушілік  көрсеткен  Аудандық  ерікті  қоғамдық қорына  және Аудандық  демалу  орталығының  әншілеріне  алғыс білдірді.

   Сектор психологы  А.У.Губайдулина  кешке  қатысушыларға «Өмір  мектебі» атты видеоролик тамашалауды  ұсынып, «Жүректен  жүрекке» атты тренингін өткізді.

  Сектордың  тұрақты  оқырманы Асел  Шакенова  және Аудандық  демалу  орталығының  әншілері: Самал Діңғалиева, Асел Құтжанова, Айболат  Какимов, Ержан  Зинетденов кешке қатысып ,  әсем  әуендерін  тарту  етті.