Кітапханаға келіп түскен жаңа әдебиеттерді, мерзімді басылымдарды, әрбір сала әдебиеттерін насихаттау, оқырмандардың кітапқа деген қызығушылығын байқау,  кітап оқуға саналы түрде баулу, кітапханаға деген қызығушылықтарын ояту,  бос уақытын тиімді падалануға, кітаппен дос  болуға кеңес беру.

     Кітап – рухани қазына, ең керемет ғажайып зат, өмір айнасы, замана сыры, тарих шежіресі, адамзаттың рухани байлығы,  оқу-тәрбие құралы.     Ақпараттық – технологиялардың  жоғары дамыған  ғасырында, қарқынына қарамастан кітаптың адам өмірінде алатын орны, мәртебесі жоғары болып қала беретіні сөзсіз. 13 қаңтар күні орталық аудандық кітапхананың абонемент бөлімінде жаңадан келіп түскен әдебиеттерге шолу өтті.

  Шолуға №5 ЖББОМ-тің  6 ә,ғ сынып оқушылары сынып жетекшілері Ш.А.Гусмангалиева мен Р.И.Гумаровалар қатысты. Кітапхана меңгерушісі С.М.Ихсанова оқырмандарды мынадай жаңа әдебиеттермен таныстырды: Даналық әліппесі, Сен білесің бе? энциклопедиясы, Роберт Уинстонның «Ғылыми эксперименттер», Балалардың жаңа энциклопедиясы, Жануарлар туралы үлкен энциклопедия, Динозаврлар, Әлем ғажайыптары, Балаларға спорт жөнінде, Су астындағы тіршілік, Әлем халықтары, Оқушының алғашқы энциклопедиясы сияқты түрлі тағыда басқа кітаптар таныстырылды.