28 қараша күні Бөрлі аудандық Мәдениет үйінде алты алашқа аты мәлім, жалынды жырлары мен сыршыл өлеңдері арқылы күллі қазаққа танымал,  «Ақ Жайықтың  ақ шағаласы» атанған  ақын апамыз Ақұштап Бақтыгерееваның «Жайықтан ұшқан аққу - жыр»  аты кездесу кеші өтті. Мәдениет үйіне аяқ басқан ақын апамыз Бөрлі  орталықтандырылған кітапханалар жүйесі  жасақтаған «Жайықтан ұшқан аққу - жыр» атты кітап көрмесімен танысып, бөрлілік оқырмандарының көптігіне куә болды.

Кеш барысында ақын апамыздың отаншылдық туралы, ұлттық рух, қазақы таным – түсінік туралы әңгімелеген әсерлі әңгімесі кездесуге келген әрбір жанның жүрек  қылын шертіп, көкірегіне нұр сепкендей болды. Сонымен қатар осы кеште  ақынның сөзіне жазылған әндері орындалып, жас қанат жас ақындарымыз өлеңдерін оқыды.  Әдемі әңгіменің әсерінен айықпаған жиналған қауым кеш қонағымен қимай қоштасты.