Жарсуат ауылдық кітапханасында «Үздік оқырман отбасы-2015» атты байқау өтті. Бұл байқауға төрт отбасы қатысты. Атап кетер болсақ: Жарсуат ауылынан –Құсабаевтар отбасы, Құмаровтар отбасы,Димитрово ауылынан- Тарановскийлар отбасы, Қарашығанақ ауылынан- Қазиевтар отбасы қатысты. Байқау 4 кезең бойынша өткізілді.

Бірінші кезеңде қатысушы отбасылар «Отбасының шежіресі, бәйтерегі» атты тақырыпқа слайд түрінде үй тапсырмасын орындап келді. Сонымен қатар «Менің оқырман отбасым» тақырыбына өз қияларымен кітапша дайындап, «Ырыс алды -ынтымақ» Қазақстан Халықтарының Ассамблеясының 20 жылдығына орай әр отбасы өзінің сүйіп оқитын әлем халықтарының (орыс, татар, қазақ, неміс, болгар, ағылшын, испан, молдаван т.б) шығарма желісінен үзінді, я болмаса ертегісінен көрініс көрсетті.
Үшінші кезеңде «Өнегелі отбасы құндылығы» атты қолөнер бұйымдарынан көрме ұйымдастырып, отбасының эмблемасымен таныстырды.
Төртінші кезеңде отбасы берілген сұрақтардың сол бойда шешімін табуы керек. Байқауды аталған төрт кезең бойынша бағалай келе, Жарсуат ауылынан қатысқан Құсабаевтар отбасы «Ең үздік оқырман отбасы» номинациясы бойынша 1-орынға иеленді. Барлық қатысушыларға естелік сыйлықтар мен грамоталар табыс етілді.
|