15 ақпан күні  Аудандық  кітапхана  оқу  залында Мүмкіндігі  шектеулі  жандармен  жұмыс  секторының ұйымдастыруымен  Қазақ  поэзиясының  биік  шыңы , ақиық  ақынымыз, қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген  Мұқағали Мақатаев шығармашылығына арналған «Жырлайды  жүрек»  атты  поэзия  кеші  болып  өтті. Мақсаты:  Қазақ  поэзиясының  биік шыңы Мұқағали  Мақатаевтың - 85 жылдығын  атап өту,  ақынның  өмірбаянын  айтып, шығармаларымен  таныстырып, өлеңдерін  мәнерлеп  оқу, кітап оқуға  шақыру.

   Кеш  жүргізген  кітапханашы  слайд презентация  арқылы  ақиық  ақынның  өмірбаянына,  шығармаларына  тоқталып  өтті.   

   Балалық шағы  сұрапыл  соғыспен  тұспа - тұс келді.Әкесі  соғыста қаза  тауып, әжесі мен  анасының  тәрбиесінде  өседі. Ақынның  қалам  тартпаған  тақырыбы  қалмапты. Ана  мұңын, әже  зарын,  жетім-жесір  қайғысын, адалдық,  достықты , пәк  махабатты  жырға  қосты.

  Кешке  қатысқан  оқырмандар: Шайшева  Жаңыл «Өмір жайлы», Асмамбетов  Амангелді «Беташар», Макаримов  Аділхан «Отан»  және  кітапханашылар  Алтын Наурызбекова «Шеше» ,  Жаңылсын Мухамбетова  артына  өшпес  мұра  қалдырған  аққынның  өлеңдерін  мәнерлеп  оқып  берді.  Сонымен  қатар кеште  оқырмандардың  орындауымен ,  ақынның  поэзиясынан  шырқалып  жүрген  «Есіңе мені  алғайсын», «Сәби  болғым  келеді»  әндері  орындалды.  Кеш  соңында  сөз  алған  Мүмкіндігі  шектеулі  жандармен жұмыс  секторының меңгерушісі  Г.У. Малбагарова   кешке  қатысқан  оқырмандарға  алғыс  білдіріп,  ақынның өлеңдерін мәнерлеп  оқыған  оқырмандарға  шағын  естелік  сыйлықтар  табыс  етті.