«Ажарлы Асқақ Астана»

Тарих жылнамаларына көз салсақ, талай ғасырды бастан өткеріп, «елім, жерім» деп өткен ата бабалардың арманы орындалып, бақ – дәулетіміз тасыған егемен еліміздің жарқын келбетіне сүйсіне қараймыз. Сарыарқаның төрінде, Есіл мен Нұра тоғысқан тұста жаңа Астана бой көтерді. Есіл бойында жаңа тұрпатты сән – салтанаты ғажайып қала пайда болды. Қала жыл санап емес, күн сайын жасарып келеді.

Астана күніне орай №2 қалалық кітапхананың кітапханашысы А.Қ. Атошеваның ұйымдастыруымен №3 ЖББОМ 8»б» сынып жазғы лагері оқушыларының қатысуымен  «Ажарлы Асқақ Астана»  атты ауызша жорнал өткізілді. Шара барысы слайд арқылы бейнеленді.1998 жылы 6 мамырда жаңа Елорданың атауы Астана болып өзгертілді. Астана – қазақтың айшығы, қазақтың арманы, қазақтың мақтанышы. Астананы Алатау бауырынан Сарыарқаға көшіріп, аз уақыттың  ішінде үлкен қала тұрғызу – Елбасымыздың көрегендігі, ұшқыр саяси шешімі, ерен еңбегі. Астана- дүниежүзілік сахнада бейбітшілік пен келісім ордасы. Астана - батыс пен шығысты байланыстырып жатқан алтын көпір. Көкке шаншылған «Бәйтерек» Самұрық құстың алтын жұмыртқасын аспанға көтерген алып киелі ағаш-бейбітшілік пен келісімде өмір сүруге ұмтылған ұлы мақсат көрінісі. Астана-тәуелсіз еліміздің бойтұмары, халқымыздың мақтанышы. Шараның соныңда «Астана – Қазақстанның жүрегі» атты кітап көрмесіне библиографиялық шолу жасалды. Шара өз мәресіне жетті.