Ақбұлақ ауылдық кітапханасының ұйымдастыруымен 25 сәуір күні әкімшілік залында «Әкем, шешем және мен – отбасымыз оқырман» атты байқау өткізілді. Байқауға 4 жанұя: Исатаевтар, Қамзагалиевтар, Гимрановтар, Нұржановтар оқырман отбасылары қатысты. Байқау «Сұрасаң менің тегім», «Менің оқырман отбасым», «Ерте,ерте,ертеде...», «Кім  тапқыр» «Өлең-сөздің патшасы» атты 5 айналым бойынша өткізілді.ьСайысқа қатысқан жанұялардың  барлығыда өздерінің  өнерлермен, тапқырлығымен көзге түсті.

Ақсайдан келген Бөрлі аудандық ОКЖ-нің директоры Д.Нұрашова, директор орынбасары А.Мусаева, балалармен жұмыс әдіскері С.Меңдібаевалар сайыста әділқазылар мүшесіне сайланып,  сайысқа қатысқан барлық жанұялардың  өнерлерімен, тапқырлығына және  өте жақсы әзірленгендеріне  ризашылықтарын білдірді. Әділқазылардың шешімімен 1 орын  Қамзагалиевтар жанұясына, 2 орын Нұржановтар жанұясына, 3 орын Гимрановтар жанұясына, 4 орын Исатаевтар жанұясына    берілді.

Жанұялардың барлығында сыйлықтармен және мақтау қағазымен марапатталды.