"Рухани қазына" кіші бағдарламасы шеңберінде атқарылып жатқан игі қадамдардың бірі Бөрлі аудандық мəдениет жəне тілдерді дамыту бөлімінің бастамасымен, аудандық əкімдіктің қолдауымен, Бөрлі аудандық Орталықтандырылған кітапханалар жүйесіне қарасты №3 қалалық кітапханасы ашылды. Кітапханада оқырман залы, абономент жəне электронды оқу залы жұмыс істейді. Оқырмандар кітапханада ғаламтор жүйесін пайдалана алады. Қаламыздың əсем орталығынан ашылған кітапхана кітап сүйер оқырманына қызмет көрсетеді.