30 шілде күні сағат 20:00-де Ғ. Жәңгіров атындағы саябақта  Бөрлі орталықтандырылған кітапханалар жүйесінің ұйымдастыруымен ашық аспан аясында  «Поэзия менімен егіз бе едің?» атты  поэтикалық фреш  болып өтті. Дара ақындардың  ұрпаққа ұран болған жырларын  оқырмандарымыз мәнерлеп сезіммен оқып, көрермен ықыласына ие болды. Шараға келген көпшілік қауым  қойылған сұрақтарға жауап беру арқылы, өз ойларын  білдіріп жатты. Аталмыш шарада «Поэзия әлемі» атты кітап көрмесі жасақталып, көрермен назарына ұсынылды. Шараның соңында оқырмандарға естелік сыйлықтар беріліп, алғыс білдірді.  Жас оқырмандарымыз қазақ ақындарының өлеңдерінен нәр алып, өршіл жырларымен дараланса деген сенімдеміз.