Елбасы мақаласын арқау еткен "Рухани жаңғыру" бағдарламасы туған жерді түлету тұрғысында айрықша маңызға ие. "Рухани қазына" кіші бағдарлама шеңберінде ұлттық құндылықтарды өркениеттің берік деңгейіне айналдыруды мұрат еткен игі қадамдардың бірі Ж.Молдағалиев атындағы облыстық əмбебап-ғылыми кітапханасының бастамасымен "Өткенді сақтай отырып, келешекті қалыптастырамыз" тақырыбында көшпелі кітап көрмесі Ақсай қаласында, Бөрлі ОКЖ оқырмандарының назарына ұсынылды. Кітап көрмесіне ХІХ-ХХ ғасырларда ғасырларда жазылып, бүгінге дейін кітапхана қорында сақталған, сирек кездесетін, раритеттік басылымдар ұсынылды. Көрменің ашылуында Ж.Молдағалиев атындағы облыстық əмбебап-ғылыми кітапханасының директоры Шолпан Куанышкалиевна келушілірге ризашылығын білдірді.Төрт бөлімнен тұратын кітап көрмесіне 1793 жылы шыққан тарихи сөздік, 1820 жылғы Аббат Миллаттың "Ежелгі жəне жаңа тарих"кітабы, Костоморов, Соловьева сияқты тарихшылар туындылары жəне Сальтыков-Щедрин мен А.С.Пушкиннің, Л.Н.Толстойдың көзі тірісінде шығарылған кітаптар тамашалаушыларға үлкен əсер қалдырды. Көрмеге студенттер, ұстаздар, оқушылар, кітапханашылар мен кітапхана оқырмандары қатысты. Көрмені 150 оқырман тамашалады.