«Ашық аспан аясындағы – кітапхана» атты жобасы жалғасуда. Соған орай оқырмандарды емдік өсімдіктермен таныстырып,  олардың  адам денсаулығына берер пайдасы жайында білімдерін қалыптастырып, маңызын түсіндіру мақсатында Орталық балалар кітапханасының филиалы 2016 жылдың 12 тамыз күні №1 мектеп балабақша кешенінің оқушылары және мұғалімдерінің қатысуымен «Зеленый мир лекарственных трав» атты саяхат ойынын оздырды. Шарада «Зеленая аптека» атты кітап көрмесі жасақталып, библиограф А.Л. Есенгалиева библиографиялық шолу өткізіп, оқырмандарға орталық балалар кітапханасы филиалының кітап қорындағы емдік өсімдіктер туралы көптеген кітаптарымен таныстырды. Кітапхана меңгерушісі Г.В.Губская біз біле бермейтін ауламыздағы, бау-бақшамыздағы өсетін емдік өсімдіктер: түймедақ, түйежапырақ, жалбыз, аскөк  тағы да көптеген емдік қасиеттері бар өсімдіктер мен  шөптер жайында толық сипаттама беріп, оларды оқырмандарға ұстатып көрсетті. Сонымен қатар балалар түрлі өсімдіктер мен шөптерге байланысты жұмбақтар шешіп, викториналық сұрақтарға жауап берді.